OTSAILAK 24 – Jolastu nahi? Otsaila 24, 2008

Ondo ari zaretenez jolas batzuk proposatuko dizkizuet.

Jolas hauetan pentsatu beharko duzue. Prest?

Lehenengo honetan familia, polizia eta  lapurra ibaiaren beste aldera pasa behar duzue.

Kontutan hartu:

- Baltsa barruan bi pertsona bakarrik joan daitezke.

- Baltsa maneiatzen dakitenek aita, ama eta polizia dira.

- Aitak ezin du egon alabekin ama ez badago.

- Amak ezin du egon semeekin aita ez badago.

- Lapurrak ezin du egon familiarekin polizia ez badago.

Animatuta? Hasi ba!

OTSAILAK 15- Arretaz begiratu! Otsaila 15, 2008

Begi zorrotzak ba al dituzue??

Ea topatzen duzue non dagoen gizona. Ondo begiratu!

OTSAILAK 15, 6.MAILA HEMEN DAGO!!!! Otsaila 15, 2008

Kaixo, hemen 6. maila.

Elkartu gara eta asmakizun berri bat proposatuko dizuegu. Prest zaudete?

Ez duzue asmatuko! Edo bai! Auskalo!

Taberna batean gizon bat sartzen da eta baso bat ur eskatzen dio tabernariari. Bapatean tabernariak ezer esan gabe pistola bat atera eta apuntatzen dio. Gizonak, momentu horretan, “eskerrik asko” esaten dio eta tabernatik alde egiten du. Zergatik egin zuen hori gizonak?

Animo eta pentsatu. (AH! 6. mailak ezin du honetan erantzunik eman! Pistak bai, baina pasatu gabe!)

AIO!!!!

OTSAILAK 14 – MAITE ZAITUT!!!!! Otsaila 13, 2008

Egun zoriontsua eta maitasunez betea opa dizuet.

Gaur beste zerbait proposatu nahi dizuet…

Irudia ondo begiratu eta esan….. zenbat hiruki ikusten dituzu?

OTSAILAK 11, BERRIRO HEMEN!!!! Otsaila 11, 2008

Kaixo, berriro!!!

Dakizuen bezala, egun hauetan kanpoan izan naiz 6. mailakoekin. Sastarrainera joan gara eta primeran pasa dugu.

Ez zait bloga ahaztu eta prestatu dut beste asmakizun bat. Prest???

Iaz, Europako iparraldean gizon batek bere lagunak zeharo harrituta utzi zituen. Egun batean “mirari” harrigarri bat egingo zuela iragarri zuen. Berak zioen gaitasuna zuela ur gainetik ibiltzeko. Esandako egunean jendetza bildu zen herriko ibai ondoan. Denak zai zeuden “miraria” ikusteko. Gizona iritsi zen eta…. esandakoa lortu zuen, ur gainetik ibiliz zeharkatu zuen ibaia.

Ba al dakizu nola lortu zuen miraria?

OTSAILAK 4 – BEGIRA, BEGIRA!!! Otsaila 3, 2008

Primeran ITZIAR!!!

Desberdintasun guztiak lehenengoan topatu dituzu.

Beste bat jarriko dut ea oraingoan ere lehena zaren!!!

URKATUAREN JOKUA Urtarrila 31, 2008

Jolastu nahi????

Matematikako hiztegia menderatzen duzun edo ez neurtu. Hitzak gelan erabilitako hiztegia edo zenbakiak ere izan daitezke. Bi edo hitz gehiago badira elkartuta idatzita daude (despistatzeko!!!)
Aurrera!

URKATUAREN JOKURA JOAN

BESTE BAT!!!! HAU BAI ZAILA!!! Urtarrila 31, 2008

6. mailako batek proposatzen du:

Zein da CARLOS izenak dituen hizkiak ez dituen izena?

(EZ du balio goitizenik edo lagunei deitzeko modu bereziak….. )

ANIMO!!!!

URTARRILAK 31 – ONDO BEGIRATU!!! Urtarrila 31, 2008

ZORIONAK, JUAN!!!!

Bai motel, oso azkar eta argi bili zara eta asmatu egin duzu.

Noski, katilua kafe-alez beteta zegoen!!!

Beste bat zuen arreta neurtzeko. 12 desberdintasunak topatuko dituzue?? Ez da zaila, ezta?

URTARRILAK 30 – BESTE BAT !!! Urtarrila 30, 2008

Kaixo berriro!!!!

Oso gustora ikusten zaituztet eta beste erronka bat botako dizuet.

Ea norbaitek azaltzen duen nola gerta daiteke hurrengoa:

Gaur goizean azukre-koxkorra bere paperatik atera eta gero….zast! Kafez beteta nuen katiluan erori zait. Hartu dut berehal, baina……. ba al dakizue? Ez da busti! Lehor-lehorra zegoen.

Nola liteke hau?

Animo taldetxo! Eman buruari!!!